北菇辦麵

akkwong

呢碟北菇辦麵既分量係四人份。

材料：
傳統蝦子麵乾麵餅兩個，蝦子麵餅唔同公司出品有唔同大小，我呢兩個係響北角雙X麵廠買，兩個夠四人食，每人一碗。
冬菇八隻，菜薳八條。

做法：
炆冬菇，用老抽、生抽、蠔油、糖、鹽、雞粉、紹酒調味，炆到夠腍身為止熄火備用。
灼菜薳，用大滾水，落油，少少糖將菜薳灼到翠綠色剛剛熟，撈起瀝乾水備用。
炆麵，燒滾兩碗水，落少少油、鹽，放入麵餅煮散，一直炆到收晒水，即成乾炆麵。
; g% x/ F3 ?8 c
此時用菜薳圍碟，中間放上乾炆麵，再鋪上冬菇，最後用炆冬菇既汁埋一個濃獻，淋在麵上。

食時在麵上剪個十字，分四份，再將冬菇、菜薳、獻汁同麵拌勻。

呢種做法，麵身夠軟、腍、滑，同用生麵做既唔同。大家可以試下。